WALVISBAAI, NAMIBIË. – Die liggaam van ’n onbekende man is Sondag in die duine in Walvisbaai ontdek.
Volgens die Erongo-polisie het die man vermoedelik kokkerotdoder gedrink. Geen identifiseringsdokumente is aan sy liggaam gevind nie.
Hy is donker van gelaat en tussen die ouderdom van 30 en 40 jaar. Ten tyde van sy dood het hy ’n wit T-hemp en ’n grys broek aangehad.
Die liggaam is deur ’n man gevind wat homself as ’n pastoor geïdentifiseer het. Hy is na bewering na die duine om te bid.
Enigiemand met inligting kan die hoofondersoekbeampte Johannes Mwatongwe by 081 246 1121 of die Narraville-polisiestasie in Namibië skakel.
Bronne: Informanté, Facebook
