Lees ook: Name van SA-soldate in Kongo dood, bekend
PRETORIA. – Die liggame van die twee soldate wat deur ‘n mortierbom gedood is in die Demokratiese Republiek die Kongo het gister in Pretoria aangekom.
Kapt. Simon Mkhulu Bobe en onder-korporaal Irven Thabang Semonowere se liggame is gister teruggebring na Suid-Afrika. Na ‘n kort gebed is hulle kiste wat met vlae bedek is na voertuie gedra terwyl hulle kollegas hulle salueer het.
Die twee soldate is op 14 Februarie dood terwyl nog drie soldate in die aanval beseer is. Twee is uit die hospitaal ontslaan en een is steeds opgeneem.
Die aanval is glo uitgevoer deur die M23-rebelle in die gebied.
Bronne: eNCA, IOL, Defence Web
