SUID-AFRIKA. – Boer Louis Botha en Rachie van Staden wat mekaar tydens die vyftiende seisoen van die Boer soek ’n Vrou-reeks ontmoet het, het Saterdag 17 Februarie afgehaak. Die paartjie het in Augustus 2023 verloof geraak.
Marciel Hopkins, aanbieder van die program, het ’n video van die paartjie op hul troudag gedeel. “Liefste Louis B en Rachie het die naweek op my verjaarsdag getrou – hoe spesiaal? Hulle liefde was magical om te sien groei en ek weet daar lê ’n leeftyd van die mooiste avontuur vir hulle voor,” het sy geskryf.
Louis het aan die einde van die vyftiende seisoen vir Rachie as iemand wat hom “verstaan soos niemand anders nie,” beskryf.
Bronne: Marciel Hopkins Facebook-blad, Boer soek ’n vrou Facebook-blad
