NEW YORK, VSA. – Luigi Mangione, die verdagte wat vir die moord van die UnitedHealthcare-baas in hegtenis geneem is, kan moontlik bevry word oor sy inhegtenisneming.
Lees ook: Luigi Mangione pleit onskuldig
‘n Prokureur het gevra Mangione moet vrygelaat word omdat hy onwettig ondervra en deursoek is voor hy in Altoona in hegtenis geneem is ná ‘n werker by ‘n McDonald’s 911 gebel het.
Die prokureur, Thomas Dickey, het gesê Mangione is deur die polisie in McDonald’s deursoek, wat nie aan hom gesê het hy is vry om te gaan tot ná hy vir 17 minute onwettig deursoek en ondervra is nie.
Mangione het die week vir die eerste keer in die hof verskyn. Hy word federaal en deur die staat aangekla, maar sal eerste hof toe gaan vir die staatsaanklagtes.
Bronne: Total Pro Sports, Hindustan Times, CNN
Lees ook: Luigi Mangione pleit onskuldig
