WES-KAAP. – ‘n Luukse- McLaren-voertuig is Vrydag deur die Stad Kaapstad geskut, nadat dit glo in Boksburg, Gauteng, in misdaad gebruik is.
JP Smith, DA raadslid, sê op sosiale media indien die voertuig, deur die polisie begelei, raakgesien word, moenie gedink word dit is ‘n belangrike persoon wat begelei word nie.
“Polisielede het verneem dié voertuig is voorheen by ‘n misdaad in Boksburg, Guateng, gebruik. Die voertuig is in Kommetjieweg opgemerk, waarna verskeie wetstoepassingsvoertuie dit tot stilstand gebring het om enige kans op ontsnapping te verhoed.”
Kapt. Frederick van Wyk sê aan Nuusflits ‘n bedrogsaak is in Desember 2024 in Boksburg geregistreer. Die insident sal Maandag opgevolg word. Die voertuig is as bewysstuk ingehandig en sal verder geprossesseer word. Geen arrestasies is gemaak nie.
