Bernice West, Lyfie-sangeres, en haar man, Jannes Erasmus, akteur en skrywer, se babadogter Lua is Dinsdag op die egpaar se huweliksherdenking gebore.
Op 12 Januarie het die egpaar nog in afwagting van hulle baba hulle kamera en stoel in die babakamer uitgetoets en na twee dae het Baba Erasmus haar verskyning gemaak. Lua is Saterdag op sosiale media aan die wêreld bekendgestel.
Mamma Bernice sê sy verstaan nou waarom ouers ‘n slaaptekort ervaar, omdat hulle nie kan ophou staar na hulle kleinding nie.
Lees die aankondiging hier onder:
14/01/2025 – Lua Erasmus 
Hierdie jaar lyk my en Jannes se Huweliksherdenking klein bietjie anders, want Momma B & Pappa J has entered the Parental chat, unexpectedly 
Daar is nie woorde wat hierdie gevoel kan opsom nie … die emosies, golwe van liefde, skok, excitement, geluidjies en geselsies is iets wat nie ek of Jannes kan beskryf nie.
Ek en Jannes het die afgelope paar dae besluit om net elke liewe oomblik in te neem en op te soak! As ons vir die horlosie kyk is daar ‘n paar ure om waarvan helfte daarvan net was om vir haar te staar… ek dink ek verstaan nou hoekom ouers sleep deprived is, want die view is net te mooi om jou oë toe te maak!
Dankie vir elke boodskap voor haar aankoms, vir al die liefde & dat julle ons ook kans gee om net te kan wees in die oomblik!
Ek en Jannie gaan vir seker ons tyd vat om hierdie net nog meer in te neem en uit te figure.. maar vir eers:
Wêreld – Lua
Lua – Wêreld …
Aangename kennis, sy is hier 
PS: Jannes Erasmus het die family shoot gedoen en hy & sy kamera is nou beskikbaar vir enige shoots
