FRASERBURG, NOORD-KAAP. – Sielja Konstabel (48) is in die Fraserburg-streekshof gevonnis, nadat sy haar dogter (12) op 21 Augustus 2021 in die linkerskouer gesteek het.
Sers. Timoty Sam sê die hof moes hoor die ma was woedend omdat haar kind haar kos geeët het. Sy het ‘n mes gegryp en haar dogter in die skouer gesteek. Die dogter het die voorval by die polisie aangemeld. Die ma is in hegtenis geneem.
Sy is skuldig bevind en Woensdag op die aanklag van aanranding met die opset om ernstig te beseer ‘n vonnis van 7 jaar tronkstraf, opgeskort vir 5 jaar, op voorwaarde dat sy nie enige ander verwante misdaad pleeg nie, opgelê.
Lt.genl. Koliswa Otola het speur.AO Charl Blignaut met die suksesvolle afhandeling van die saak geprys.
