LIMPOPO. – Andisani Dephney Nthabalala (20) van Mailaskop het Maandag vlugtig op ‘n aanklag van moord op haar drie maande oue baba in die Tshitale-landdroshof verskyn.
Mashudu Malabi-Dzhangi, NVG-woordvoerder, sê in ‘n verklaring daar word beweer die beskuldigde het op 1 Augustus die baba doodgemaak deur haar been teen die kind se nek te druk totdat sy beswyk het. Ooggetuies het die baba na die naaste kliniek geneem, maar sy is met aankoms dood verklaar.
Die saak is tot 12 Augustus uitgestel om die beskuldigde in staat te stel om regsverteenwoordiging te bekom. Nthabalala bly tot haar volgende hofverskyning in aanhouding.
Lees ook meer hier onder:
