LIMPOPO. – ‘n Verdagte (33) is vir beweerde verkragting in aanhouding, nadat hy glo sy meisie se dogter gedurende Maart en Junie 2023 verkrag het.
Kol. Malesela Ledwaba sê die slagoffer het haar ma eers op 28 April van die beweerde verkragtings vertel nadat die ma en die verdagte ‘n argument oor hulle verhouding gehad het. Beide die beweerde voorvalle het plaasgevind toe die ma nie tuis was nie. Die verdagte het gevlug.
Die polisie is in kennis gestel en ‘n saak is oopgemaak en deur die Groblersdal-GKS ondersoek. Maandag is die verdagte opgespoor en in hegtenis geneem waar hy in die Lefiso-woonbuurt weggekruip het.
Die verdagte sal op 2 Mei in die Siyabuswa-landdroshof verskyn.
