GAUTENG. – ‘n Ma (31) van Lindelani, Benoni, is Dinsdag deur die Tsakani-landdroshof met ‘n waarskuwing vrygelaat nadat sy aangekla is van die bevordering van seksuele uitbuiting van ’n kind deur ’n primêre versorger en van versuim om ’n seksuele misdryf teen ’n kwesbare kind aan te meld. Die kind het swanger geraak en geboorte gegee.
Lumka Mahanjana, NVG-woordvoerder, sê tydens die borgtogaansoek het die ma aangevoer sy sorg vir twee kinders, insluitend ’n borsvoedende baba en is geen vlugrisiko nie. Ntethelelo Ngcece, die staatsaanklaer in die saak, het die aansoek weens die ernstige aard van die misdryf teengestaan, asook die risiko dat sy die slagoffer kan beïnvloed.
Die ma het ook haar slagoffer-dogter ‘n mengsel laat drink toe die swangerskap bekend geword het. Die slagoffer was nie teen haar ma se vrylating op borgtog gekant nie, mits sy buite Limpopo bly. Haar ma moet egter steeds die hofverrigtinge bywoon.
Die landdroshof het haar vrygelaat en bevind sy is nie ’n vlugrisiko nie. Die saak is uitgestel tot 25 September 2025 vir ’n streekprokureur se besluit.
Lees ook meer hier onder:
