LIMPOPO. – ‘n Buitelandse burger (49) is Dinsdag op die N1, onderweg na Polokwane, met ‘n beweerde gesteelde Toyoto Corolla Cross Hybrid, ter waarde van R400 000, in hegtenis geneem.
Luidens ‘n verklaring deur kol. Malesela Ledwaba, polisiewoordvoerder, is die voertuig in Januarie in Heidelberg, Gauteng, gesteel. Inligting het aangedui dat ’n vermoedelik gesteelde voertuig langs die N1 na Polokwane beweeg. Operasionele spanne het onmiddellik ’n operasie geloods, die voertuig onder observasie gehou en met aankoms in die stad onderskep.
Ledwaba bevestig die verdagte wat in hegtenis geneem is, verskyn vandag (Woensdag) op ‘n aanklag van die besit van ‘n gsteelde voertuig in die Polokwane-landdroshof.
Die polisie se ondersoek duur voort.
