MPUMALANGA. – ‘n Verdagte (53), die eienaar en direkteur van ‘n veiligheidsmaatskappy in Nelspruit (Mbombela), is gearresteer nadat vuurwapens glo aan ‘n ander veiligheidsmaatskappy verkoop en daarna as gesteel aangemeld is.
Brig. Donald Mdhluli sê die vuurwapens sluit gewere en pistole in. Die beskuldigde staan op ‘n aanklag van meineed tereg. Hy het na bewering ‘n vals aanmelding gemaak, terwyl hy van die verkooptransaksie bewus was. Mdhluli bevestig inligting van die verkooptransaksie is aan die polisie verskaf.
“Die betrokke vuurwapens is aan ‘n wettige entiteit wat hierdie vuurwapens behoorlik geregistreer het, verkoop, wat dit vir wetstoepassingsowerhede onmoontlik maak om dit te konfiskeer.”
Die verdagte het Woensdag in die Nelspruit-landdroshof verskyn en na verwagting kan meer aanklagte teen die beskuldigde gemaak word soos wat die ondersoek vorder.
