VSA. – Die maatskappyhoof van Astronomer is op verlof geplaas nadat hy en sy “skelmpie”, die maatskappy se hoof van menslike hulpbronne, in ’n omhelsing by ’n Coldplay-konsert gevang is.
Lees ook: KYK: Man met ‘skelmpie’ by Coldplay-konsert uitgevang
Andy Byron is op verlof geplaas en Astronomer het gesê die “raad van direkteure het ’n formele ondersoek begin oor die saak en ons sal binnekort addisionele inligting vrystel”.
Byron, wat getroud is, het weggeduik en Cabot het haar gesig bedek en weggedraai toe hulle op die jumbotron met sy arms om haar op die grootskerm gewys is. Chris Martin, die hoofsanger van Coldplay, het toe opgemerk “óf hulle het ‘n affair óf hulle is net baie skaam”.
Verklarings van Byron wat Donderdag op sosiale netwerke versprei is, blyk vals te wees.
Bronne: BBC, CNN, USA Today
Lees ook: KYK: Man met ‘skelmpie’ by Coldplay-konsert uitgevang
