GAUTENG. – Die tussentydse verslag van die Madlanga-kommissie van ondersoek sal nie aan die publiek beskikbaar gestel word nie. Die verslag word na verwagting op 17 Desember aan pres. Cyril Ramaphosa oorhandig. Dit sal voorlopig nie gepubliseer word nie, aangesien die kommissie se werk nog voortgaan en verdere getuienis verwag word.
Vincent Magwenya, woordvoerder van die presidensie, het gesê sommige getuies wat reeds getuig het, sal weer genooi word om voort te gaan met hulle getuienis. ’n Vroeë bekendmaking van die tussentydse bevindinge sou die proses kon benadeel. Die finale verslag sal wel aan die publiek beskikbaar gestel word sodra dit voltooi is.
Kritici het die besluit gekritiseer en gesê Suid-Afrikaners verdien toegang tot die tussentydse bevindinge van ’n ondersoek wat met openbare geld gefinansier word.
Druk hier om meer oor die Madlanga-kommissie en sy ondersoek te lees.
Bronne: Jacaranda FM, Mercury, Sowetan
