MPUMALANGA. – ‘n Man (45) is Vrydagaand omstreeks 19:30 doodgeskiet nadat hy met sy voertuig langs die pad in Hlalanikahle, naby Vosman gestop het.
Kol. Donald Mdhluli sê: “Die polisie in Vosman stel ondersoek in na die kaping en roof wat tot moord gelei het.”
Volgens inligting tot die polisie se beskikking het die slagoffer ‘n Toyota Hilux GD-6 Club Cab van ‘n maatskappy bestuur toe hy langs die pad stilgehou het en deur kapers aangerand en beroof is. Hy is daarna geskiet voordat die verdagtes in ‘n voertuig gevlug het.
Die polisie is besig met ‘n ondersoek oor die gebeure.
