‘n Man is vanoggend na bewering doodgeskok terwyl hy ‘n kar gewas het.
Lt. kol. Dimakatso Mooi, polisiewoordvoerder, sê die polisie doen ‘n geregtelike doodsondersoek nadat ‘n man vanoggend na bewering deur
masjinerie by ‘n plaaslike karwas in Longstraat geskok is.
Sergio Daniels, eienaar van die perseel waar die karwas is, sê aan FiND iT die man was besig om met ‘n hoëdruk-skoonmaker water van die perseel af te spuit. Die man was kaalvoet. Hy het ewe skielik begin skree en ruk. Daniels het op die man afgekom, maar die man was volgens Daniels reeds oorlede.
