’n Groot groep werkers wat in Februarie afgedank is, het vanoggend op 12 Maart 2019 voor die munisipale gebou bymekaargekom in afwagting op ’n uitspraak van die munisipale bestuurder om te hoor of hulle mag terugkeer werk toe.
Die werkers het aan FiND iT gesê hulle protes is teen verskeie kwessies wat onder andere die onreëlmatige afdanking van werkers insluit. “Ons is baie kwaad oor al die onreëlmatighede wat by die munisipaliteit plaasvind. Ons wag op terugvoering van die munisipale bestuurder wat tans in ’n vergadering is om ’n oplossing vir ons eise te vind.”
Lede van die Suid-Afrikaanse munisipale werkersunie (SAMWU) was teenwoordig.
Thoko Riet, ’n woordvoerder by Sol Plaatje-munisipaliteit, sê: “Die werkers is van die departement van vervoer, paaie en openbare werke. Hulle is in Februariemaand afgedank. Die werkers eis hulle werk terug. Instruksie is aan die werkers gegee om by die stadsaal te vergader totdat ’n oplossing gevind is.”
