MPUMALANGA. – Die polisie ondersoek ’n dubbele moord nadat ’n man (45) en vrou (35) vroeg Sondagoggend in hul huis in die Chochocho-gebied naby Masoyi doodgeskiet is.
Kol. Mavela Masondo, polisiewoordvoerder, sê in ‘n verklaring die twee slagoffers was glo aan die slaap toe onbekende verdagtes toegang tot hul huis geforseer en op hulle geskiet het. Albei is op die toneel dood verklaar. Die polisie het intussen ’n soektog na die verdagtes van stapel gestuur. Die motief vir die aanval is nog nie bekend nie en die ondersoek duur voort.
