NOORDWES. – ‘n Malawiër het Dinsdag op die Hartbeespoortdam in die Kosmos-omgewing, waar hy in ‘n kano vis gevang het, in hiasinte vermis geraak.
NSRI Hartbeespoortdam se diensbemanning is net na 16:00 vir hulp genader en ‘n reddingstuig, reddinswemmers en die polisie is na die toneel. ‘n Soektog was onsuksesvol, waarna die waterpolisie en duikeenheid met die soektog bystand verleen het. Die man se liggaam is Woensdag omstreeks 10:30 deur polisieduikers en die NSRI, sowel as Strategic Response Rescue Unit (SRU), opgespoor.
‘n Geregtelike doodsondersoek is geopen.
