KWAZULU-NATAL. – ‘n Man (57) wat op ‘n treinspoor in die Tugela-omgewing gewerk het, is Vrydag deur ‘n swartmamba gepik.
Samantha Meyrick van IPSS Medical Rescue sê dié diens se paramedici het die slang positief as ‘n swartmamba op die toneel geïdentifiseer.
“Weens die kritieke toestand van die werker is die besluit geneem om hom met die AMS-helikopter vir verdere sorg na ‘n geskikte fasiliteit te vlieg.”
Meyrick het verduidelik die man het in ‘n klein spasie gewerk en onwetend die slang versteur, waarna hy aan die pols gepik is. Hy is ‘n teengifmiddel toegedien en die slang is veilig hervestig.
