KWAZULU-NATAL. – ‘n Man is Woensdag in Morlingstraat in Howick met ‘n baksteen geslaan. Hy is kritiek beseer en veg vir sy lewe.
Midlands EMS sê die diens is omstreeks 09:20 vir aanranding na die toneel ontbied. Met aankoms is gevind die man is erg aangerand en het dringende gevorderde lewensondersteunende behandeling nodig. Hy is op ‘n ventilator gesit en is na ‘n hospitaal vervoer nadat hy gestabiliseer is.
Die nooddiens sê alle betrokke owerhede was op die toneel teenwoordig.
Foto: Midlands EMS
