Man, met houtkruis, loop duisende kilometers deur Suid-Afrika

Hy loop reeds sedert 2013 duisende kilometers om sy liefde vir die Here te wys. So vertel Patrick Styles, wat saam met sy vrou, Des, net buite Koster woon. FiND iT het Styles 23km buite Kimberley op die N12 in die rigting van Ritchie gekry. Verbygangers het by hom...

Hy loop reeds sedert 2013 duisende kilometers om sy liefde vir die Here te wys. So vertel Patrick Styles, wat saam met sy vrou, Des, net buite Koster woon.

FiND iT het Styles 23km buite Kimberley op die N12 in die rigting van Ritchie gekry. Verbygangers het by hom stilgehou om hom voorspoed toe te wens. Hulle het ook vir hom verversings gegee.

Styles sê: “Ek loop sedert 2013 vir my liefde vir die Here. My doel is om tot in Kaapstad te loop, as dit die Here se wil is.” Hy het tot dusver meer as 484km vanaf Koster tot hiér gestap.

Styles het voorheen langs die Ooskus verby George, Port Elizabeth en Oos-Londen geloop. Hy sê hy sal volgende keer verby Durban wil stap.

“Ek het baie wonderwerke op my pad gesien. Te veel om op te noem. Net onlangs het ’n man in sy tagtigs vir die eerste keer sy hart aan die Here gegee. In nog ’n geval het ’n fris kêrel met depressie sy lewe omgedraai,” vertel hy.

Styles sê hy is nie deel van enige organisasie nie en het ook nie ’n blad op sosiale media nie.Tog skryf mense gereeld op hulle eie Facebook van hulle besigtiging van, of hulle ontmoeting met, die man wat in die strate met ’n houtkruis loop.

Op 21 Maart het Andre van der Merwe vir Styles tussen Christiana en Warrenton gewaar. Van der Merwe sê: “Dit was ’n wonderlik voorreg om die man te ontmoet. Hy stap met ’n houtkruis vir geloof. Na ‘n vinnige geselsie met water en ’n blaaskans het hy my weer met ander oë na die lewe laat kyk. Sterkte met jou reis. Dit wat jy doen is ’n inspirasie.”

Van der Merwe en Styles.

Vroeër die jaar het Styles in die strate van Centurion geloop. Mighty Watchmen Centurion het Styles daarna uitgenooi om een van hulle weeklikse samekomste by te woon.

Op 20 September 2015 het Alanda Nagel vir Styles in Vishoek raak geloop. “Hy het vir my ’n klein houtkruis met ‘Jesus loves you…’ daarop geskryf gegee,” vertel Nagel.

Foto deur Alanda Nagel.

Laura Wolvaardt teken meeste punte sover by ODI aan vir Proteas

Vandag is Wêreldkunsdag

Kan jy die naam van Bernice se volgende enkelsnit raai?

Man van Kroonstad sedert fratsvloede vermis

Boulders Beach tweede beste strand ter wêreld

Man verdrink op Saldanhabaai

Dink mooi voordat jy ’n onderwyser word

Christine van OME! deel verlowingsvideo

Voetgangers sterf toe voertuig in hulle inploeg

KYK: Dirk van der Westhuizen se hartroerende besoek aan kankerpasiënt

AfriForum sal help met eerste dagvaardiging vir uitstaande e-tolgelde