KWAZULU-NATAL. – ‘n Man is Woensdagmiddag op die R102 in die Phoenix-omgewing in Mount Edgecombe onthoof toe die motor waarin hy gery het eers teen ‘n sementversperring gebots het en toe verskeie kere gerol het.
Reaction Unit South Africa (Rusa) sê die silwerkleurige Mazda 3 het verskeie kere gerol en is op sy dak in die noordelike baan aangetref. Die bestuurder is uit die voertuig geskiet. ‘n Passasier wat tydens dieselfde ongeluk beseer is, is op die toneel gestabiliseer. Die tweede insittende, vermoedelik die bestuurder, het in die pad gelê en is onthoof.
Rusa sê die voertuig het glo teen ‘n hoë snelheid gery toe dit teen die versperring gebots het.
