OOS-KAAP. – ‘n Man (38) is Woensdagoggend in ‘n brandende huis in Lovemore Park in Gqeberha dood.
Kapt. André Beetge sê die polisie is omstreeks 09:00 na ‘n klagte van ‘n brandende huis. By hul aankoms is ‘n vrou en ‘n kind buite die huis gevind, albei met ligte beserings aan hul koppe. ‘n Gedeelte van die huis is heeltemal deur die vlamme vernietig en die man se liggaam is volledig uitgebrand in een van die kamers gevind.
Beetge sê die oorsaak van die brand word ondersoek.
‘n Geregtelike doodsondersoek word deur die Walmer-polisie ondersoek.
