KZN, SUID-AFRIKA. – ’n Man is dood nadat lede van die gemeenskap ’n buffel, wat na bewering uit die Hluhluwe-iMfolozi-park ontsnap het, probeer jag het.
Die voorval het naby die Mashiya-hek op Sondag 24 Maart plaasgevind. Volgens Sihle Mkhize, uitvoerende hoof van Ezemvelo, het die veldwagters inligting oor die buffel, wat buite die hekke van die park gesien is, gekry. Die weer was egter te sleg om ’n helikopter uit te stuur.
Hy beweer die gemeenskap het besluit om jag op die buffel te maak. Veldwagters het ’n geweerskoot gehoor. Met hulle aankoms op die toneel het hulle die liggaam van ‘n man aangetref wat glo deur die buffel aangeval is.
Volgens Mkhize is daar duidelike riglyne om die veiligheid van die diere, gemeenskap en besoekers se verseker. Hy sê die voorval is net weereens ’n bewys van die risiko’s verbonde aan wilde diere en die natuur.
Dit is onduidelik hoe die buffel ontsnap het. Die park gee hulle volle samewerking aan die owerhede.
Bronne: IOL, Times Live, Witness
