KWAZULU-NATAL. – ‘n Man, vermoedelik in sy 40’s, het Vrydagmiddag gesterf toe hy met sy voertuig in ‘n sementmuur op die N3 rigting Pinetown, by die Berea-afrit vasgery het.
Garrith Jamieson van ALS Paramedics sê verskeie oproepe oor die ongeluk wat omstreeks 15:30 gebeur het, is ontvang. Paramedici het op die toneel waar die Ethekwini-brandweer reeds was, aangekom. Die brandweer was besig om ‘n brand in die enjin van die voertuig te blus.
Tydens assessering is gevind daar is niks wat paramedici vir die bestuurder, wat die enigste insittende in die voertuig was, doen nie en hy is dood verklaar.
In hierdie stadium is die gebeure wat tot die ongeluk gelei het onbekend, maar die SAPD en metropolisie was teenwoordig en sal verder ondersoek instel.”
