KWAZULU-NATAL. – ’n Man, vermoedelik in sy 30’s, het Dinsdagaand aan veelvuldige skietwonde in Nordaleweg in Newlands-Wes, noord van Durban, gesterf.
Garrith Jamieson sê ALS Paramedics het net ná 18:00 op oproepe van ‘n skietinsident gereageer. Met aankoms op die toneel is verskeie nooddienspersoneel aangetref. Hulle is na ’n voertuig in die pad geneem waar die man met skietwonde aangetref is. Paramedici het die man ondersoek, maar hy het noodlottige beserings opgedoen en is op die toneel dood verklaar.
Die toneel is afgesper om die polisie toe te laat om dit te ondersoek.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
