KWAZULU-NATAL. – ‘n Man, vermoedelik in sy 30’s, is omstreeks 06:15 vanoggend op die hoek van Bluff- en Champerlainstraat in die Jacob-area, suid van Durban, tydens ‘n beweerde kaping doodgeskiet.
Garrith Jamieson van ALS Paramedics sê hulle is na ‘n skiettoneel ontbied. Die polisie was teenwoordig en het die toneel afgesper. Paramedici het die man, met skietwonde in sy bors, geassesseer, maar niks kon vir hom gedoen word nie en hy is dood verklaar.
“Daar word beweer dat hy gekaap is, maar die SAPD sal die voorval verder ondersoek.”
