WELKOM, VRYSTAAT. – Rethabile Mokhako (28) van Welkom is as vermis deur sy vrou aangemeld nadat hy onlangs na sy pa in Mosambiek gaan soek het.
Mokhako se vrou het op 1 Maart 2024 om 21:00 met hom kontak gehad toe hy glo by die Lebombo-grenspos tussen SA en Mosambiek aangekom het. Albei sy selfone is sedertdien afgeskakel.
Volgens kapt. Stephen Thakeng het Mokhako in ’n wit BMW met registrasienommer FF 50 KC GP gereis. Nasporingstelsels het bevestig Mokhako is oor die landsgrens na Mosambiek.
Enigiemand met inligting word aangemoedig om die Welkom-SAPD by 079 886 5574 te kontak. Wenke kan ook via die misdaadvoorkomingsnommer, 08600 10111, gestuur word.
Bron: SAPD
