VRYSTAAT. – ‘n Man (32) van Iona-plaas is op beskuldiging van moord op sy vrou (36) deur die Ficksburg-polisie in hegtenis geneem. ’n Ysterstaaf is tydens die inhegtenisneming op die misdaadtoneel in beslag geneem.
AO Mmako Mophiring, polisiewoordvoerder, sê in ‘n verklaring die moord is Sondag, omstreeks 11:00, by die polisie aangemeld. Met aankoms op die toneel het polisiebeamptes die liggaam van ’n vrou met ’n oop wond aan haar linkeroog in ’n hut aangetref. ’n Bloedbevlekte ysterstaaf is op ’n tafel gevind. Die verdagte is op die toneel in hegtenis geneem en die voorwerp is as bewysstuk ingedien.
Die motief vir die moord is nog nie bekend nie. Die man is van die moord aangekla en sal na verwagting Dinsdag in die Ficksburg-landdroshof verskyn.
