KWAZULU-NATAL. – Nthutuko Mthethwa (35) is Woensdag vier keer lewenslange tronkstraf in die Ntunzini-hooggeregshof vir drie moorde op die Mkhize-familie van Eshowe opgelê.
Kol. Robert Netshiuna sê die Mkhize-familie is op 12 April 2023 in hulle huis in Umntilombo in Eshowe in ‘n lokval gelei en ses familielede geskiet. Drie is op die toneel dood verklaar.
Op die betrokke aand is die Mkhize-familie deur twee gewapende verdagtes aangeval. Drie is dood en die ander drie is vir mediese behandeling hospitaal toe geneem. Met die polisie-ondersoek is Mthethwa die volgende dag in hegtenis geneem en die ondersoekbeampte kon deurentyd suksesvol borg teenstaan totdat die vonnisoplegging Woensdag plaasgevind het.
Vir elke moord is Mthethwa ‘n lewenstermyn gevonnis en nog ‘n bykomende lewenslange vonnis, plus 22 jaar vir poging tot moord.
Die ondersoekbeampte is vir die suksesvolle vervolging geprys.
Sicelo Dambayi Sikhakhane (33) word nog deur die polisie as die vermoedelike tweede verdagte in die saak gesoek.
