HARTBEESPOORT, NOORDWES. – ’n Soektog is aan die gang na ’n man (40) wat Saterdagmiddag om 14:25 uit ’n boot in die Hartbeespoortdam geval het.
Die man en ’n groep vriende was glo op die boot naby die Randburg-brug toe die man en twee vroue oorboord geval het.
Arthur Crewe van Hartbeespoort-NSRI sê die twee vroue is ongedeerd, maar die man het onder die water verdwyn.
Teen Sondagoggend kon lede van die NSRI, SRU en polisieduikers nog nie die man opspoor nie.
Volgens Crewe was familielede van die man op die toneel en is hulle deur beraders bygestaan.
“Die soektog duur voort, maar digte hiasinte op die dam bemoeilik pogings.”
Bronne: Kormorand, Jacaranda FM, NSRI
