GAUTENG. – President Cyril Ramaphosa het Gwede Mantashe, die minister van minerale en petroleumhulpbronne, met onmiddellike ingang as die waarnemende minister van polisie aangestel.
Vincent Magwenya, presidensiële woordvoerder, sê Mantashe sal in dié hoedanigheid dien totdat prof. Firoz Cachalia, wat aan die einde van hierdie maand uit sy pos aan die Universiteit van die Witwatersrand tree, sy nuwe amp in Augustus opneem.
Minister Mantashe behou terselfdertyd sy verantwoordelikhede as minister van minerale en petroleumhulpbronne.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
