IRAK. – 61 mense is oorlede ná ’n brand gister by ’n winkelsentrum in Irak uitgebreek het.
Lees ook: KYK: Toeriste ná vulkaniese uitbarsting in Ysland ontruim
Irakse owerhede het vandag bevestig heelwat van die 61 mense wat dood is, het versmoor. Reddingspanne kon meer as 45 mense red wat in die nuwe gebou vasgekeer was.
Volgens die staatsbestuurde Irakse nuusagentskap is daar nog mense vermis.
Die provinsiale goewerneur, Mohammed al-Mayyeh, het drie dae van rou aangekondig en het gesê die oorsaak van die brand word ondersoek. Hy het gesê regstappe is teen die eienaar van die gebou en die eienaar van die winkelsentrum geneem.
Die uitslag van die voorlopige ondersoek sal binne 48 uur vrygestel word.
Bronne: The Independent, BBC, CBS News
Lees ook: KYK: Toeriste ná vulkaniese uitbarsting in Ysland ontruim
