KWAZULU-NATAL. – Die polisie in die provinsie het vandag (Maandag) ‘n geseëlde vraghouer vanaf Brasilië in Durban-hawe met meer as R80 m. se kokaïen ontdek.
Kol. Robert Netshiunda sê inligting van ‘n vrag kokaïen op ‘n vaartuig vanaf Brasilië, vermom as “nierbone,” is aan die begin van November ontvang. Die vaartuig het SA deur ‘n ander land binnegevaar en is tot Saterdag gemonitor toe dit in die hawe aangekom het. Die geïdentifiseerde vraghouer is na ‘n pakhuis op die Suidkuspad in die Bluff geneem, sodat dit behoorlik deursoek kon word.
Netshiunda bevestig agt sakke fyngemaakte suiwer kokaïen, wat vir Johannesburg bedoel is, is gevind. Ondersoek word gedoen om die skuldiges agter die besending dwelms op te spoor.
