MPUMALANGA. – Peaceful Khoza (3) se liggaam is Donderdag deur die polisie in ‘n vlak graf in Pienaar opgegrawe.
Kol. Donald Mdhluli sê die familie van Khoza het haar uitgeken. Sy het verlede week vermis geraak. Mdhluli sê die verdagte het nie gesterf soos daar gespekuleer word nie. Dieselfde verdagte is in die saak van die meisie en Junior Mabandla verbind.
Sedert Maandag verlede week tot Donderdag is drie liggame in vlak grafte in Pienaar opgegrawe.
Dit volg kort nadat die liggaam van die vermiste Junior Mabandla (6) ook in ‘n vlak graf opgegrawe is. Die verdagte wat deur die gemeenskap aangekeer is, is Mbandla se liggaam gemaak uitgrawe. Die verdagte is kort daarna in ‘n hospitaal opgeneem waar hy onder polisiebewaking is.
Bonisiwe Mabuza (37), wat as vermis deur haar familie aangemeld is, se liggaam is ook in ‘n vlak graf in die gebied opgegrawe.
