Lees ook: 37 dood in Israel-aanval op Rafah
GAZA. – Die meisie (6) wat om hulp gesmeek het na sy vasgekeer is in Gaza is dood gevind saam met die twee paramedici wat gestuur is om haar te red.
Hind Rajab het 12 dae gelede gebel vir hulp na sy en haar familie deur Israeliese magte aangeval is toe hulle probeer vlug het. Sy het nooddienste gebel en hulle gesmeek om haar te help en het gesê sy is bang, want ’n tenk was naby haar. Hind was vir drie uur vasgekeer voordat twee paramedici van die Palestinian Red Crescent (PRCS) gestuur is om haar te gaan haal.
Die PRCS het kontak verloor met die reddingswerkers Yusuf Al-Zeino en Ahmed Al-Madhou. Hulle liggame is gevind in ‘n verbrande ambulans slegs meters vanaf die voertuig vol koeëlgate waarin Hind en haar familie se liggame ook aangetref is.
Die PRCS beweer Israeliese magte het opsetlik die ambulans geteiken toe hulle daar aankom “ten spyte van die koördinasie wat gedoen is sodat die ambulans daar kon kom”.
Bronne: Business Insider, Metro, IOL, X
Lees ook: 37 dood in Israel-aanval op Rafah
