LIMPOPO. – ‘n Meisie (7), in gr. 2 van ‘n laerskool in die Shongoane-woonbuurt in Villa Nora-polisiëringsarea, is glo Vrydag in die skoolbadkamer deur ‘n medeleerder verkrag. Lephalale (Ellisras)-polisie ondersoek die saak.
Kol. Malesela Ledwaba sê die meisie is na bewering tussen 12:00 en 14:30 na die skoolbadkamer geneem en deur ‘n gr. 7-leerder verkrag.
Die meisie het tuis by haar ma gehuil en oor ‘n beenbesering gekla. Haar ma het ondersoek ingestel en haar dadelik na ‘n plaaslike kliniek geneem. Mediese personeel het verkragting bevestig.
Die minderjarige verdagte is bekend, maar nog nie in hegtenis geneem nie.
Die polisie se ondersoek duur voort.
