OOS-KAAP. – Abigail de Lange (10) van Christmas Rock in Oos-Londen is kritiek beseer nadat ‘n paal Donderdag tydens ‘n fratsongeluk op die agterkant van haar kop geval het.
Volgens Nikita van Ghent het ‘n afleweringsvragmotor per ongeluk ‘n laaghangende elektriese kabel wat die paal vasgehou het in die ry saam getrek. Die paal het geval en Abigail getref. Die insident het ongeveer 15 m van haar ouerhuis af plaasgevind.
Die meisie, wat geen mediese fonds het nie, het brein- en skedelbeserings opgedoen en moet dringend ‘n operasie ondergaan.
Die gemeenskap het intussen bymekaargekom om vir haar te bid.
Bronne: BackaBuddy, Daily Dispatch en Advertising East London
