GAUTENG. – Unathi Mdutyana (14), ‘n gr. 9-leerder van die Gekombineerde Skool Diepsloot, is op 16 April dood, met ‘n steekwond, in ‘n oop veld deur haar ma gevind.
Kol. Noxolo Kweza, provinsiale woordvoerder, sê die polisie ondersoek die meisie se moord.
Unathi se ma kon haar nie kry toe sy van nagskof af kom nie. ‘n Soektog het haar na haar dogter se lewelose liggaam in ‘n oop veld naby ‘n slaghuis gelei. Unathi is ongeveer 150 meter van haar huis op die grond met ‘n steekwond in haar nek gevind.
Kweza sê die polisie volg verskeie leidrade op, maar nog geen inhegtenisnemings is gemaak nie.
Bronne: SAPD en Women For Change
