KWAZULU-NATAL. – Die departement van onderwys in die provinsie waarsku teen TikTok-uitdagings nadat twee meisies van Pinetown Girls High beseer is.
Muzi Mahlambi van die departement sê in ‘n verklaring leerders wat aan hierdie tipe gevaarlike uitdagings deelneem, is ‘n bekommernis.
Leerders word versoek om nie aan uitdagings deel te neem wat hulle lewe deur roekelose optrede in gevaar stel nie. Die nakoming van skoolreëls oor die gebruik van selfone in skooltyd word benadruk. Ouers word versoek om kinders te leer om die skoolreëls in hierdie verband te gehoorsaam, aangesien dit die leerders op skoolwerk gefokus sal hou en die risiko van kuberboeliery sal verminder.
Die departement het die beseerde meisies ‘n spoedige beterskap toegewens.
Lees die departement se volledige verklaring hier onder:
