MPUMALANGA. – Verbrande menslike oorskot is Dinsdag in bosse naby Bosbokrand ontdek, waarna ‘n geregtelike doodsondersoekdossier geregistreer is.
Sers. Merilyne Mmonwa, polisiewoordvoerder, sê in ‘n verklaring die oorskot is vermoedelik dié van ‘n manspersoon. Die identiteit van die oorledene is onbekend en die polisie vra die publiek om met die identifisering te help. ‘n Paar bruin seilskoene is langs die geraamte aangetref. Enigiemand wat ‘n geliefde vermis of kennis dra van wie die oorledene kon wees, word gevra om speur.AO Matome Shokane by 076 927 6858 te bel.
Die presiese omstandighede rondom die dood word nog ondersoek.
