KWAZULU-NATAL. – ’n Man wat na bewering ’n dwelmgebruiker was, is na bewering Sondagmiddag in Mabasaweg in Newton C, Inanda deur ’n groep minderjariges doodgeslaan.
Volgens Reaction Unit South Africa (Rusa) het ’n inwoner hul Phoenix- operasionele sentrum geskakel en hulp versoek nadat ’n groep seuns gesien is hoe hulle ‘n man op ’n ontspanningsterrein slaan. Die seuns het gevlug toe die man bewusteloos voorgekom het. Reaksiebeamptes het hulle na die toneel gehaas en bevestig dat die man aan sy beserings beswyk het. ’n Houtplank, vermoedelik die moordwapen, is langs sy liggaam gevind.
Die motief vir die aanval is nog nie vasgestel nie.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
