KWAZULU-NATAL. – ’n Wit Toyota Hiace-minibustaxi het Maandagmiddag in Cottonlands, ‘n plaas buite Hazelmere, teen ’n lamppaal gebots voordat dit op ’n grafsteen tot stilstand gekom het.
Reaction Unit South Africa sê beamptes het omstreeks 17:30 op die toneel aangekom en die voertuig sonder insittendes daar gevind. Volgens inwoners het die bestuurder glo die toneel verlaat om na ’n sleepwa te gaan soek om die voertuig te verwyder. Die minibus het na bewering omgeslaan voordat dit op die steen beland het.
Die voertuig is ernstig beskadig.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
