GAUTENG EN WES-KAAP. – Insittendes van minibustaxi’s het die naweek beserings in twee afsonderlike insidente opgedoen toe die voertuie deur ‘n hek in Kampsbaai en ‘n heining in Gezina gery het.
Peter Flentov van The Atlantic Seaboard Community Forum sê die bestuurder en passasier van ‘n minibustaxi is beseer toe dit Vrydagaand deur die hek van ‘n huis gery het. Skade aan die eiendom is bevestig.
Pretoria Emergency Volunteer Services sê ‘n oproep is Sondag omstreeks 15:00 oor ‘n insident in Gezina, in die Moot van Pretoria, ontvang. Vier eenhede en ‘n dokter het hulle na die toneel gehaas. Op die toneel was een beseerde persoon wat behandel is en aan die Gauteng- provinsiale ambulansdiens oorhandig is. Die toneel is daarna aan die polisie oorgegee.
