AFGHANISTAN. – Minstens 20 mense is oorlede nadat ‘n aardbewing van 6.3 op die Richterskaal Afghanistan vanoggend getref het. Plaaslike owerhede het gesê die dodetal sal na verwagting styg soos reddingspogings voortduur.
Lees ook: Dodetal styg ná aardbewing in Afghanistan
Sowat 230 mense is in die aardbewing naby Mazar-e-Sharif, een van die grootste stede in Afghanistan, beseer.
Volgens die VSA Geological Survey is die aardbewing is op ‘n oranje waarskuwingsvlak gemerk, wat beteken “verskeie sterftes” is waarskynlik.
Bronne: BBC, Sky News, NBC News
