Lees ook: Verdagtes in hegtenis vir moorde op MK-partylede
CATO MANOR, DURBAN. – ‘n Man is naby sy kind se crèche in Durban doodgeskiet.
Die polisie het die man as Mxolisi Zungu, ‘n lid van die MK-party, geïdentifiseer. Zungu is glo met sy eie vuurwapen tydens ‘n beweerde rooftog doodgeskiet.
Volgens eNCA het hy en sy vrou hulle kind by die crèche afgelaai en geloop toe hy van agter af geskiet is.
Die MK-party het hulle kommer uitgespreek oor Zungu se dood, want hy was ‘n verkiesingorganiseerder in ‘n wyk. Hy is ook die derde MK-party lid wat onlangs dood is.
Volgens die polisie is hy in ‘n roof dood en was dit nie ‘n politieke moord nie.
Bronne: IOL, Briefly, TimesLIVE
