NOORDWES. – Die beweerde moord op ‘n babameisie (10 maande) word deur die Morokweng-polisie ondersoek nadat haar liggaam met kopbeserings en kneusplekke Vrydag in die Botsalana-seksie in Potchefstroom gevind is. Dit volg nadat sy glo in die teenwoordigheid van ‘n 11-jarige seun was.
Volgens kol. Adéle Myburgh het die baba se ma haar Donderdag in die sorg van ‘n vriend gelaat. Omstreeks 20:00 het ‘n 11-jarige seun na bewering opgedaag en glo gesê die baba se ouma het hom gestuur om haar te haal. Die baba is na bewering aan die 11-jarige oorhandig.
‘n Vriend het Vrydagoggend die baba,wat reeds dood was, in haar erf ontdek en dadelik die polisie en nooddienste ontbied. Die baba is dood verklaar,
Myburgh sê die 11-jarige seun, wat ingevolge die Kinderwet van 2008 hanteer word, is in die toesig van sy ouers en sal deur maatskaplike dienste geëvalueer word.
‘n Nadoodse ondersoek sal vasstel wat die oorsaak van die baba se dood is.
Enigiemand met inligting oor die gebeure kan die ondersoekbeampte, sers. Neo Boite by 066 154 9891 bel.
“Lieutenant General Sello Kwena is saddened by the incident and requested the community to allow the police to do investigations to ensure that justice is served.”
