NOORD-KAAP. – Benwill Pico (28) is op 6 Maart in die Keimoes-streekshof vir die moord op Koos Sebolai (48) tot 12 jaar direkte tronkstraf gevonnis.
Sers. Omphile Masegela sê op 10 Mei 2022 is Keimoes-polisie na ‘n moordklag op die stortingsterrein waar ‘n manspersoon met verskeie steekwonde dood is.
Tydens die ondersoek is vasgestel Pico en Sebolai het ‘n argument gehad waartydens Pico die oorledene verskeie kere gesteek het. Hy is in hegtenis geneem en is deur die hof borg toegestaan tot sy vonnisoplegging.
Lt.genl. Koliswa Otola, die provinsiale kommissaris, het sers. Piet Eiman, die ondersoekbeampte, vir sy ondersoekwerk wat tot die skuldigbevinding gelei het, geprys.
