WES-KAAP. – John Dalton (29) is sedert 29 Mei 2025 vermis van sy woning by Vogelsang-landgoed, Mosselbaai, wat ook as Vakansieplaas bekend staan. Hy het sy woning verlaat en het nog nie weer teruggkeer nie.
Sers. Christopher Spies, Tuinroete-polisiewoordvoerder, sê in ‘n verklaring aan Nuusflits die Da Gamaskop-polisie doen ’n beroep op die publiek om met die soektog na Dalton te help wat deur sy naasbestaandes as vermis aangemeld is. Hy is ongeveer 1.88 meter lank, weeg 75 kg en was geklee in ’n donker hemp en broek.
’n Soekspan bestaande uit lede van die Da Gamaskop-polisiekantoor, George- openbare orde polisiëring en vrywilligers het Dinsdag sonder sukses na hom in die omgewing van Vakansieplaas gesoek.
Die soektog duur voort. Enigiemand met relevante inligting word gevra om AO Arlene Stokes, die ondersoekbeampte, by 061 317 2239 te bel.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
